انتوا عارفين ليه اللى بيخرج بره مصر مابيرضاش يرجع لها تانى ؟؟ أو بيرجعلها يعيش فيها وهو مضروب بالجزمة غصبا عنه لطروف قهرية ؟؟

لأنه لما سافر بره .... اكتشف لأول مرة أنه بنى آدم !!

هى طبعا كانت مفاجأة ........ يا لهوى ؟؟ ... أنا بنى آدم ؟؟

آه حضرتك انتا بنى آدم!! ................ وليا حقوق البنى آدمين ؟؟ .............. آه حضرتك انتا بنى آدم وليك حقوق البنى آدمين كمان ... .الاتنين

فيه ناس فاكرة انه عشان الفلوس ويحوش وكده ... لكن الحقيقة أن معظم اللى قاعدين بره عايشين عيشة الكفاف ... يعنى يادوبك عايشين .. الشهر بشهره .... بس الفكرة أنهم عايشين مبسوطين !!

حتى لو عايش فى قرية نائية فى السعودية أو عمان ... عايش فى حى الفقراء فى باريس أو أسبانيا ..... عايش على حدود سيبريا أو جنوب أفريقيا .....

الحاجات اللى كانت بتأذى عينك ونفسيتك وقلبك وعافيتك مابقيتش تشوفها !! ... مافيش زبالة !! مافيش ظاهرة التسول الشنيعة .... مافيش كهربا أو مية بيقطعوا (الا نادرا) ..... مافيش ناس متدلدلة من الأتوبيس !! ... مشاعر المهانة والذل بالعيشة الصعبة .... أو لو كنت غنى ... مشاعر انك مش عارف تبلع اللقمة أو تشترى هدمة عشان ألف واحد باصصلك فيها .......... مش موجودة !!

أكتر حاجة انتبهت ليها حكاية أن مافيش زبالة !! .. متهيألى احنا البلد الوحيدة فى العالم اللى عبارة عن مقلب زبالة !!

عارف انتا احساسك لما تكون متجوز واحدة .... وحشة أوى ربنا يعافينا .... وأمها كل شوية تقول لك مراتك دى أجمل ست فى الدنيا ..... وأنتا عايش فى جزيرة معزولة ومفيش ستات غيرها ..... وفجأة .....




خلاص بقى ..... مش مهم .................... المهم أنك تكتشف هذا الاكتشاف العظيم ....

مصر @#$% الدنيا !!!